Sa ngalan ni Governor Dennis โDelta” Pineda, pinangunahan ni Board Member Mylyn Pineda-Cayabyab at Mayor Malu Paras Lacson, mga Barangay Officials ng San Pedro 2, at mga kawani ng paaralan ang pamamahagi ng Robotics Kits para sa mga Science, Technology and Engineering students ng Rodolfo V. Feliciano Memorial High School.
Ang pamamahagi ng mga Robotics Kits ay isang mahalagang hakbang sa pagpapalalim ng kaalaman at kasanayan ng mga mag-aaral sa larangan ng Agham, Teknolohiya, at Inhenyeriya. Ito’y nagbibigay daan sa masusing pagsasanay at eksperimento, na naglalayong palawakin ang kanilang pang-unawa sa mga konsepto ng robotiks.
Sa tulong ng mga kit na ito, mas nagiging praktikal at hands-on ang kanilang pag-aaral, nagbibigay ng oportunidad na masubukan at maipatupad ang kanilang natutunan sa larangan ng STEM. Bukod dito, nagiging instrumento rin ang mga robotics kits sa paghuhubog ng kritikal na pag-iisip, creative problem-solving, at collaborative skills ng mga mag-aaral.
